ETHEKWINI NEWSFLASH
ISAZISO SOMPHAKATHI
31 JULY 2026
UMasipala weTheku wazisa umphakathi ngokuphazamiseka kwamanzi ezingxenyeni ezithile zoMlaza, eNsimbini naseFolweni ngenxa yokunswinyeka kwamanzi okusolakalayo eSouthern Aqueduct, okuyiyona ephakela amanzi Umlazi–Golokodo Bulk Water Supply System.
Lokhu kunswinyeka kwamanzi kuholele ekuncipheni kwamanzi aya emadamini ahlukahlukene, okudale ukuthi amadamu angakwazi ukugcwala ebusuku nokuholele ekubeni abe mancane ngokweqile amanzi kuwona.
Lokhu kuphazamise amanzi aphakelwa imiphakathi eminingi eyehlukahlukene.
Abasebenzi bophiko lwakwa-Water Operations eSifundeni esiseNingizimu bamatasa kule ndawo behlonza umnyombo wale nkinga.
Kwenziwa konke okusemandleni ukuhlonza umnyombo wenkinga nokuyilungisa ngokushesha ngangokungenzeka.
Okwamanje, njengoba ingakahlonzwa imbangela yale nkinga, ngeke sikwazi ukusho ukuthi amanzi azobuyela nini esimweni esejwayelekile.
Umphakathi uzokwaziswa ngokwenzekayo ngokuqhubeka kwesikhathi.
Kuzokhishwa amaloli amanzi (ama-waterkan) athunyelwe ezindaweni ezibhekene nale nkinga ukuze umphakathi usizakale ngesikhathi inkinga isalungiswa.
Izindawo ezithintekayo lapha yilezi :
Umlazi 1/1A Reservoir: Umlazi A, B, C, D, E, F, V, S & T Sections
Umlazi 2 Reservoir: Umlazi M, L, J, K, H, R, Q, P, BB, CC, AA, F, G, W, C, D & N Sections
Umlazi 3 Reservoir: Umlazi J, K and L
Umlazi 4 Reservoir: Umlazi U, X (Malukazi), Y & Z Sections
Umlazi 5 Reservoir: Umlazi AA, BB and Z Sections
Umlazi 6 Reservoir: Umlazi BB, CC and AA
Ensimbini 1&2 Reservoir: Ensimbini, Ntabankulu, Draaihoek, Mahlabathini, Mangamazini & Mkhazini.
Folweni 1 & 2 Reservoir :
Folweni A, B, C, Golokodo, Dodoza, Isiphingo Esincane
UMasipala uyaxolisa kakhulu ngalokhu.
Mayelana neminye imininingwane emaqondana namanzi, umphakathi uyakhuthazwa ukuthi ufake i-mobile app kaMasipala weTheku kumaselula bese uzifaka kuyona izikhalo ezimayelana namanzi, uthumele imibiko nge-WhatsApp kule nombolo: 073 148 3477, ushayele le nombolo yamahhala 080 311 1111, noma uthumele ama-email Eservices@durban.gov.za.
SIYAPHELA
